Боломжтой. Цочмог вирүсийн хепатит буюу сүүлийн 6-8 сард халдвар авсан өвчтөнүүд Халдвартын эмнэлэгт хэвтэж эмчлүүлдэг. Өвдсөнөөсөө хойш 6 сарын дараа маркер өгч вирүс арилсан эсэхийг шалгуулж цаашид жилийн хугацаанд хяналтанд байдаг. Архаг хепатит болсон өвчтнүүдийн хувьд С вирүсийн эсрэг 96-98% ийн өндөр үр дүнтэй эмчилгээ байдаг ба В, Д вирүсийн хавсарсан болон супер халдвартай өвчтөнүүдийн хувьд насан туршдаа хяналтанд байх ёстой.

Лабораторийн нарийвчилсан шинжилгээгээр танд зөвхөн* В вирүст хепатитын халдвар илрээгүй бол вакцин хийлгэх боломжтой. В вирүсийн эсрэг дархлаажуулалт нь сайн дурынх бөгөөд 1991 оноос эхлэн шинээр төрсөн бүх хүүхдийг тарьж дархлаажуулж эхэлснээс хойш бага насны хүүхдийн өвчлөл эрс буурсан.

*- С вирүсийн халдвартай хүн хэрэв В вирүсийн халдваргүй бол вакцинд хамрагдах боломжтой. Харин Д вирүсийн халдвартай хүнд В вирүсийн вакцин хийдэггүй.

Вакцины нөлөөллийн хугацаа нь 10-15 жил байдаг. Улмаар 14-15 настай, 20-той хүүхдүүд өвдөөд байна гэдэг нь вакцины хамгаалах хугацаа нь дууссантай холбоотой байх магадлалтай тул шинжилгээг өгч дахин дархлаажуулалтад хамрагдахыг зөвлөе.

С вирүсийн халдвараас урьдчилан сэргийлэх вакцин байдаггүй учир эмчилгээ хийлгэж вирүсээ бүрэн устгасан ч гэлээ дахин халдвар авах эрсдэлтэй. Хэрэв В вирүсийн халдваргүй бол вакцин хийлгэж, амьдралын эрүүл хэв маягийг сонгож, эрүүл хооллолтыг эрхэмлэж явах хэрэгтэй.

В вирүсийн эмийн эмчилгээ нь вирүсийг устгадаггүй ба вирүсийн идэвхжлийг дарангуйлж, элэгний эсийн гэмтлийг зогсоож, хатуурал, хавдар үүсэх эрсдлийг бууруулдаг.

Элэгний өөхжилт нь заавал элэгний вирүстэй хүнд тохиолдох албагүй ба өөрөөр хэлбэл вирүсийн халдваргүй хирнээ элэгний өөхжилттэй байх боломжтой. Өөхжилтийн эсрэг хамгийн үр дүнтэй эмчилгээ бол биеийн жинг хэвийн хэмжээнд барих буюу турах явдал юм.

Элэгний хавдар нь вирүсээс гадна чихрийн шижин, таргалалт, архины хэрэглээ, эм, химийн бодисын зохисгүй хэрэглээнээс үүсэх боломжтой. Элэгний хавдар нь 25-30 жилийн дараа үүсдэг.